İctimai Oferta

Printbar.az məhsullarının hazırlanması və satışı haqqında

İcraçı (Operator):
PG MMC
VÖEN: 1305883031
Ünvan: Azərbaycan, Bakı, 8 Noyabr pr. 23, Amai T/M, 7-ci mərtəbə, ofis 720
Telefon: +994 77 277 00 33
Son yenilənmə tarixi: 2025

---

1. Ümumi müddəalar

Bu sənəd PG MMC-nin (bundan sonra “İcraçı”) Printbar.az brendi altında məhsulların hazırlanması və satışı ilə bağlı rəsmi ictimai təklifidir (oferta).

Printbar.az saytında, onlayn konstruktorda, sosial şəbəkələrdə, messencerlərdə (WhatsApp daxil olmaqla), marketpleyslərdə (Wolt daxil olmaqla) və digər kanallarda sifarişin yerləşdirilməsi bu Ofertanın şərtlərinin tam və qeyd-şərtsiz qəbul edilməsi (aksept) deməkdir.

İcraçı Ofertanı əvvəlcədən xəbərdarlıq etmədən dəyişə bilər. Aktual versiya saytda yerləşdirilir.

2. Ofertanın predmeti

İcraçı müştərinin sifarişi əsasında fərdi və korporativ tekstil və promo məhsulların hazırlanmasını və satışını (çap, tikmə və digər tətbiqlər daxil olmaqla) həyata keçirir.

3. Sifariş və Müştərinin məsuliyyəti

Müştəri məhsulun modeli, ölçüsü, rəngi, sayı, eləcə də əlaqə məlumatları və çatdırılma ünvanının düzgünlüyünə görə tam məsuliyyət daşıyır.

Müştəri çap/istehsal üçün təqdim etdiyi materiallara (loqo, şəkil, mətn, maket və s.) dair bütün hüquqlara malik olduğunu təmin edir.

İcraçı kontentin hüquqi statusunu yoxlamır və müştərinin təqdim etdiyi materiallarla bağlı üçüncü şəxslərin hüquqlarının pozulmasına görə məsuliyyət daşımır.

“Keçən dəfə başqa cür idi”, “1 il əvvəl fərqli idi” kimi subyektiv müqayisələr obyektiv keyfiyyət meyarı hesab edilmir.

4. Maket, rəng və çap tələbləri

Müştəri anlayır ki, ekran rəngi ilə real məhsul/çap rəngi monitor parametrləri, parça partiyaları və texnologiya səbəbindən fərqlənə bilər.

Maket faylları ilə bağlı texniki tələblər “Maket tələbləri” səhifəsində yerləşir.

Müştəri tərəfindən təsdiqlənmiş maket son hesab olunur. Təsdiqlənmiş maketə uyğun hazırlanmış sifarişlərdə rəng/yerləşmə/çap görünüşünə dair iddialar qəbul edilmir.

5. Ölçülər və icazə verilən fərqlər

Saytda göstərilən ölçü cədvəlləri təxmini xarakter daşıyır. Tekstil istehsalında ölçülərdə ±1–2 sm texnoloji fərq mümkündür.

Göstərilən norma daxilində ölçü fərqi geri qaytarma, dəyişdirmə və ya kompensasiya üçün əsas hesab edilmir.

6. Ödəniş. Fərdi sifarişlər üçün 100% öncədən ödəniş

Çaplı, tikməli, fərdi yazılı/loqolu məhsullar və müştərinin maketi üzrə hazırlanan bütün fərdi sifarişlər yalnız 100% öncədən ödəniş əsasında icra olunur.

Sifarişin hazırlanmasına yalnız tam ödəniş daxil olduqdan və ya ödəniş sistemi tərəfindən təsdiqləndikdən sonra başlanılır.

Fərdi sifarişlər üçün ödəniş geri qaytarılmır, çünki məhsul müştəri üçün xüsusi hazırlanır və üçüncü şəxslərə satıla bilməz. Yalnız İcraçının təqsiri ilə təsdiqlənmiş istehsalat qüsuru istisnadır.

İstehsal başlandıqdan sonra müştərinin sifarişdən imtinası ödənişin geri qaytarılması üçün əsas deyil.

7. Hazırlanma müddətləri

Saytda göstərilən hazırlanma müddətləri yalnız özün götürmə (samovyvoz) üçün nəzərdə tutulur, əks hal yazılı şəkildə razılaşdırılmalıdır.

8. Çatdırılma və üçüncü şəxslərin məsuliyyəti

İcraçı çatdırılmanı birbaşa həyata keçirmir. Çatdırılma üçüncü tərəflər tərəfindən icra edilir və müddətə, prosesə görə həmin tərəflər məsuliyyət daşıyır.

9. Müştərinin çatdırılma üzrə öhdəlikləri

Müştəri çatdırılma vaxtı göstərilən ünvanda olmalı, əlaqədə olmalı və sifarişin təhvil alınmasını təmin etməlidir.

“Metro yaxınlığı”, “kəsişmə”, “dəqiq saatda ictimai yerdə” kimi ünvanlara çatdırılma həyata keçirilmir. Çatdırılma üçün təhlükəsiz qəbul edilə bilən dəqiq ünvan göstərilməlidir.

Müştərinin günahı ilə çatdırılma baş tutmadıqda sifariş İcraçıya qaytarılır. Müştəri sifarişi özün götürə və ya əlavə ödənişlə təkrar çatdırılma sifariş edə bilər.

10. Həftəsonu və bayram günləri

İcraçı yalnız iş günlərində fəaliyyət göstərir. Həftəsonu və bayram günlərinə düşən proseslər ilk iş gününə keçirilə bilər.

11. Qaytarma və dəyişdirmə

Fərdi hazırlanmış məhsullar qaytarılmır və dəyişdirilmir, yalnız İcraçının təqsiri ilə istehsalat qüsuru olduqda istisna mümkündür.

12. Məsuliyyətin məhdudlaşdırılması

İcraçı müştərinin seçim səhvlərinə, yanlış məlumatlara, üçüncü tərəflərin və ödəniş sistemlərinin fəaliyyətinə, çatdırılma gecikmələrinə və müştərinin təqdim etdiyi kontentə görə məsuliyyət daşımır.

13. Şərtlərin fiksasiyası

Sifarişdə, hesabda, təsdiq mesajında və ya yazışmada göstərilən şərtlər yekun və razılaşdırılmış hesab olunur. Yazılı təsdiqi olmayan şifahi razılaşmalar hüquqi qüvvəyə malik deyil.

14. Yekun müddəalar

Mübahisələr danışıqlar yolu ilə həll edilir, mümkün olmadıqda Azərbaycan Respublikasının qanunvericiliyinə uyğun həll olunur. Aksept müştərinin bu Ofertanın bütün şərtlərini qəbul etməsi deməkdir.

15. Əlaqə

PG MMC
Telefon: +994 77 277 00 33